喝完每一滴湯

每晚加班, 媽總會打電話俾我: 「記得飲湯呀!」

試過好多次我都太攰, 番到屋企都已經兩三點。
沖完涼之後, 通常都會吹頭然後上床訓覺。

到第二晚番到屋企, 仍然係咁忙。
番到屋企都仲要開電腦寫PROGRAM。做到四五點又直接番上床訓覺。

之後第三晚, 趕完工作, 同朋友食完晚飯番到屋企, 枱上仍然有一碗暖左既湯。
飲落去之後成個人都放鬆晒, 先真正感覺到坐左O係屋企既感覺, 身體真正有休息緊既感覺。

媽唔知點解總會O係呢個時侯醒左, 起身行過。
我只要從心底講出一句:「好好飲呀!」我媽媽就會從心底笑出來。

媽煲湯, 每晚溫熱碗湯, 只係想默默地幫助你渡過生活中既苦澀。
好好地享受每一滴湯吧。